Showing posts with label PHR. Show all posts
Showing posts with label PHR. Show all posts

Wednesday, April 1, 2015

Loving Chris Drew by Heidi Star

Posted by THE DIARY OF MARS H. MALLOW at 8:25 PM 0 comments
NEW RELEASE: FEBRUARY 11, 2015

~ Yay! Super late post na ito pero ipo-post ko pa rin. Haha! Released na po ang fourth book ko under Precious Hearts Romances or PHR. Ang saya-saya! Ang sarap sa pakiramdam nang may bagong release na book.

~Ang kuwentong ito ay inspired sa mga favorite bands ko, especially kay Christofer Drew Ingle ng Never Shout Never. I so love NSN and Chris Drew! Kaya siya ang ginawa kong bida dito. `Yong mga names ng band mates niya ay inspired din sa front man ng mga banda. Katulad ng We The Kings, This Century, at All Time Low. Mapapansin n'yo `yon siyempre `pag bumili kayo. Hahaha! :D

~Ang theme song po nito ay ang Lightweight by Demi Lovato. Kaya `pag pinapatugtog ko ang song na `yon, naaalala ko ang mga panahong sinusulat ko ang nobelang ito. :)

~Sana ay makabili kayo ng copy. Sana magustuhan n'yo ang kuwento nila Chris Drew at Kate. Here's the teaser. :)

She had learned one thing. Once you had fallen in love, there was no turning back. Hahayaan mo na lang ang sarili mo na mahulog sa taong mahal mo… deeply and eventually.

Likas na mahilig sa musika si Kate. Pangarap niya na maging VJ sa My Music Channel, ang pinakasikat na music channel sa Pilipinas.
Hanggang isang sorpresa ang dumating kay Kate. Nilapitan siya ng may-ari ng MMC—at sinabi na gusto siyang kuning VJ! Sa wakas ay matutupad na ang matagal na niyang pinapangarap. Subalit kailangan muna niyang makunan ng interview ang sikat na bandang The Jacks.
Meeting The Jacks could only mean one thing—makikita uli ni Kate ang pinakaiinisang lalaki sa mundo, si Christofer Drew Angeles na lead vocalist ng banda.
Asar na asar si Kate sa lalaki dahil noon pa man ay paborito na siyang inisin nito. Ngunit kailangan niyang labanan iyon dahil doon nakasalalay ang pangarap niya. Fortunately, she did.
Hindi roon nagtapos ang pagkikita nila ni Chris Drew. Unti-unting nakilala ni Kate ang magagandang katangian ng binata. Isang araw ay nagising na lang siya na bumibilis ang pintig ng kanyang puso tuwing nakikita si Chris Drew.
All of sudden, umiibig na siya sa lalaking dati ay kinaiinisan niya.


Friday, October 17, 2014

The Origin Of My Pen Name Heidi Star :D

Posted by THE DIARY OF MARS H. MALLOW at 7:07 PM 0 comments
Since ginaganahan akong mag-post, sasamantalahin ko na. Na-post ko na rin pala ito sa Tumblr pero ipo-post ko rin dito. :D

~~July 04, 2013 noong una akong nagka-approved novel sa PHR. Tuwang-tuwa ako. Halos mag-cartwheel ako sa sobrang tuwa. Hiningan ako ng teasers, captions, first page, at three selections ng pen name. Meron na akong naisip na pen name. Amber Demetria. Gustong-gusto ko talaga `yon. Gusto ko `yong name na Amber (na siya ring pangalan ng heroine sa first PHR novel ko). `Tapos `yong Demetria, name ng idol kong si Demi Lovato. Demetria Devonne kasi `yong buong pangalan ni Demi. Pero tatlo ang hinihingi ng editor kaya nag-isip pa ako ng dalawa. Dinagdagan ko ng Demi Oliver. `Yong Demi, obvious kay Demi Lovato ko nakuha kasi idol ko nga siya. `Yong Oliver, galing sa last name ko. Haha! Ang isa pa ay ang Heidi Star. Noong time kasi na `yon lagi kong naaalala si Heidi, `yong batang taga-Alps. Then `yong Star, inspired sa book ni Miss Heart Yngrid, St. Catherine University: Starr, The Bratinella. Binawasan ko lang ng isang 'R.' Gandang-ganda kasi ako sa story na `yon. Ilang ulit ko siyang binasa. Pero crossed fingers talaga ako na sana `yong Amber Demetria ang mapili. Which didn't happen. Heidi Star ang napili. But it's okay. Kontento naman ako sa pen name ko. :)

Name: Heidi Star
Age: 11 months
Birthday: November 19, 2013
Status: Turtle


Sunday, June 8, 2014

May 27, 2014, Saturday. - Contract Writer Na Ako Ng PHR!

Posted by THE DIARY OF MARS H. MALLOW at 1:42 PM 0 comments
Gosh-ness overload talaga! Nagulat talaga ako nang pa-sign-in ako ng contract noon! Haha! Here's the story, pagkarating ko sa office para kumuha ng check, pinaupo muna ako at naghintay nang kaunti. Pagbalik ni Sir B, sabi niya, "Halika sumunod ka sa akin." Ako naman, nagtaka. Sumunod ako sa kanya tapos pinapasok ako sa katapat na office ng accounting department. May babae ring nakaupo doon. Then Sir B told me, "Meet your co-writer." Nagulat na naman ako! Haha... Nagpakilala siya na si Yaney Matsumoto. `Ayun, sinabi ni Sir na pagsa-sign-in kami ng contract sa PHR. Hahaha... Wala pa akong reaksiyon noong una. Pero noong unti-unti nang nagsi-sink in, na-flatter ako. Hahaha... Ang akala namin ni Ate Yaney, gagawin kang contract writer `pag mataas ung sales ng books mo. Na-meet din namin ung may-ari ng PPC, si Sir Segundo. Ang cool niyang kausap. Nakakatuwa.

Habang nagsa-sign ako ng contract, naisip ko, "Hala, bawal na akong tamarin." Kasi, kahit sinabi na hindi naman kami dapat ma-pressure sa pagsusulat at dapat may maipasa every month na manuscript, still, kailangan pa ring magsipag para may maipasa. Nakakahiya naman kung wala kang maipapasa, right? Kaya dapat na akong magsipag! Haha... Mabagal pa naman akong magsulat. Iyong mga manuscripts ko, pare-parehong one month ko sila natapos. Isa lang yata ung pinakamabilis, ung sa Dream Love na-approve pero hindi pa napa-publish hanggang ngayon. Ten days ko lang nagawa un! Haha... Kailan kaya ulit mangyayari un?

Ngayong contract writer na ako, bigla kong naalala ung mga rejected manuscripts ko. Dumating nga sa point na parang gusto ko nang g-um-ive sa pagsusulat kasi marami akong na-reject na manuscripts. Kahit ano'ng gawin ko. hindi sila nakakapasa. But my inner self told me not to. Of course, ayoko din talaga g-um-ive up kasi gustong-gusto ko talaga ma-publish ung mga sinulat ko. And voila! Nakaapat na approved MS na ako! Haha (Maliban pa sa Dream Love na dalawa ang approved kong MS doon). God is so good. Kahit ang dami-dami ko kasalanan sa Kanya, binibiyayaan pa rin Niya ako nang ganito. Haha... So blessed!

Kaya Heidi Star, dapat magsipag ka na! Kahit may work ka na, dapat gumawa ka pa rin ng paraan para makapagsulat. Time management lang `yan, ha?

:D

Saturday, June 7, 2014

May 21, 2014, Wednesday - My Fourth Book Is Approved!

Posted by THE DIARY OF MARS H. MALLOW at 10:00 PM 0 comments
Napakasaya ko nang malamang approved na ang fourth book ko! Hahaha... Super-mega nahirapan ako sa kuwentong ito. Pero hindi sa kadahilanang nahirapan akong isulat, kundi dahil noong time na sinusulat ko ito, nagkabulutong ako! `Kainis! Kaya hindi ko agad natapos. January ko pa ito sinimulang isulat pero natapos ko March na... `Tapos nakadagdag pa sa kaba ko iyong matagal na result pagkapasa ko sa editorial staff. Halos two months akong naghintay ng result kaya sobrang kinakabahan na ako. Kung ano-ano na ang mga naiisip ko na baka hindi iyon ma-approve ganyan-ganyan. Puro negative ang tumatakbo sa isip ko. Kilala ko pa iyong editor niyon. (At ang bait niya!) Pero worth it ang paghihintay ko dahil APPROVED siya! Hahaha with a capital A!

Actually, nahirapan din naman akong isulat ito. Ilang beses kong inulit kasi parang hindi ako ma-satisfy sa gawa ko. Habang inuulit ko, nababago na ang plot at mga scenes. pero ung mga changes na iyon mas maganda naman kaysa dati. At na-satisfy naman na ako.

Inspired ang story na iyon ni Christofer Drew Ingle of Never Shout Never. Super crush ko kasi iyon at magka-age pa kami. Hahaha... I love all his songs, too! Pero iba ang theme song nito. Iyong Lightweight by Demi Lovato. Haha! Ni-rape ko ang replay button ng windows media player ng computer namin kakapanig doon habang sinusulat ko ang novel na ito. Siyempre, hindi ko muna sasabihin ang title para suprise! Chos! (Char lang ulit!) Haha :DDD

I'm so excited na ma-release na ang 4th book ko. Wait-wait na lang ako. 29k words iyon kaya curious ako kung gaano kaliit iyong words hahaha... Lately, dumadami iyong mga sinusulat ko.

My Gorgeous Chef by Heidi Star

Posted by THE DIARY OF MARS H. MALLOW at 10:00 PM 0 comments
Yay! So happy at na-release ang My Gorgeous Chef ko last February. (hahaha, super late na late post na talaga ito pero keri lang!)

Facts about my third book. 
-Inspired ang novel ko na iyon sa friendship ko na si Kristel Joyce, classmate ko rin siya noong college. Super humanga kasi ako sa kanya noong nag-confess siya sa lalaking gusto niya. Ang lakas ng loob niyang gawin iyon! Hindi ko kaya iyon. Haha... Kaya nangako ako sa sarili ko at sa kanya na gagawan ko sila ng story. At diyaran! Natupad na rin! Na-approve ang story na ito the day before the release of my first book For The Love Of Charlie. Kaya super-mega-ultra happy talaga ako! Siyempre, na-inspire din ako ng mga kanta ni Demi Lovato noong sinusulat ko iyon kaya bongga! Hahaha...

My Gorgeous Chef by Heidi Star

Posted by THE DIARY OF MARS H. MALLOW at 9:27 PM 0 comments

My Gorgeous Chef by Heidi Star

Date Approved: November 18, 2013
Date Published: February 25, 2014

Teaser

"Bakit ko naman pagtatawanan ang isang babaeng in love sa akin? Lalo na kung ikaw `yon?"

Crush ni Kristel si Nick, ang bagong kapitbahay nila. She wanted to impress him in order for him to like her, too. Kaya nang malaman niya na ang gusto nito sa isang babae ay iyong marunong magluto, namroblema siya. Hindi siya marunong magluto! Naalala ni Kristel na may kaibigang magaling na chef ang kuya niya kaya pinakiusapan niya ang kapatid na paturuan siyang magluto sa kaibigan nito. Pumayag naman ang chef. Subalit laking gulat ni Kristel nang malamang ang kaibigan chef ng kuya niya at ang aroganteng lalaking nakaengkuwentro niya sa bar noong isang gabi ay iisa! Ipinahiya siya ng lalaki sa harap ng maraming tao. Nalaman niyang Rico Mendez ang pangalan nito. Though she could not deny the fact that he was incredibly gorgeous and drop-dead handsome. Still, what he did to her was utterly unacceptable. Guwapo nga ito, masama naman ang ugali.

Pero nang unti-unti niyang nakilala si Rico, at ang magandang katangian nito ay hindi niya naiwasang mahulog ang loob dito. Bigla, kay Rico na siya nagpapa-impress sa pagluluto kaysa kay Nick na crush niya.

Saturday, January 11, 2014

My Precious Star by Heidi Star

Posted by THE DIARY OF MARS H. MALLOW at 10:13 PM 0 comments

Date Approved: September 10, 2013
Date Published: December 04, 2013

Hindi ko inaasahan na mare-release agad ito, two weeks after na-release `yong una kong book, For The Love Of Charlie. Na-surprise ako. Pero super happy naman. Siguro bawat release ko ay para akong nakahithit ng marijuana hahaha nakaka-high ang makitang publish na ang novels mo. At dahil sa kuwentong ito nila Ocean at Star, natuto akong mag-reformat ng computer namin. Well, not totally. Nagawa ko naman siya kaso may kulang pa pala. hehehe... Nasa kalagitnaan na ako sa sinusulat ko nang masira PC namin, kailangang i-reformat so ako naman, feeling technician, go, go go! hahaha Basta matapos ko lang. Kapag hindi ko kasi nailalabas o naisusulat ang mga naiisip ko, parang sasabog utak ko, eh. Maganda naman ang result. Plus, the day after my birthday ito na-approve kaya super happy talaga ako. ♥

For The Love Of Charlie by Heidi Star

Posted by THE DIARY OF MARS H. MALLOW at 10:04 PM 0 comments

Date Approved: July 04, 2013
Date Published: November 19, 2013

Super happy ko nang malamang sa wakas ay approved na sa PHR ang nobela ko hahaha... Super tili at kilig sagad hanggang buto ako no'n, eh! Nagbunga ang pag-e-edit ko sa kuwentong ito nila Charlie at Amber. Habang tumatagal kasi, nag-iiba `yong plot kaysa sa una kong naisip kaya, bago, bago, bago, tanggal, tanggal, tanggal hahaha :D Halos mag-cartwheel ako sa sobrang tuwa, eh. First ever novel ko `to sa PHR. Nang ma-publish naman `to, aba'y dumoble ang tuwa ko! Nasa duty ako noon sa hospital, nakitingin ako sa cell phone ng ka-trainee ko na may Internet. At nagulat na lang ako nang malamang released na `to, pati ang pen name ko under PHR. Sa sobrang excitement nga umuwi ako ng bahay na naka-mask hahaha... 

 

The Diary Of Mars H. Mallow Copyright © 2011 Design by Ipietoon Blogger Template | web hosting